Ecco ll’uomo!

(Gv.19:5)

Ecco ll’uomo! Dicette Pilato.

E, a penzà bbuono,

senza vulè, avette ragione.

Non certo pe comm’era combinato,

ma pe chello ch’ev’ avut’e

e nunn’ha dato.

Ll’ommo overo, nfatt’ è chille ca,

pure si dint’è forte,

nun reagisce, ma se sta, e supporta.

E Gesù è stato ommo, ommo

overamente.

Isso, a patemiente e duolo,

nun ha tenuto mente.

Pilato, pe Isso ‘nvucai ‘o perdono,

ma ‘o popolo, accecato, facette

cundannà ll’IO SONO

:- Barabba a libertà ! -

e :- Gesù nn’ addà campà! -

Eran’ allucche

ca se sentevano ‘n dà città.

Gesù, fuje flagellato, a schiaffi pigliato ;

adderettura, ‘nt’’a faccia sputato,

eppure: nun c’è vota ca s’è lamentato.

Po’ crocefisso, avette l’urdemo danno,

e che dicette:

-Pate mio, perdonali, chiste

nun sapeno chelle ca fanno.

Chill’e canto, tal’e quale Isso

mise ‘n croce,

'o guardaie,

e là là, peccatore se cunfessaie.

Gesù, chiin’ ‘e dolore si, ma

cu’ ‘a gioia nt’ ‘o core, ‘a grazia le regalaie.

-‘N verità, ‘n verità te dico, ca ogge stesso,

‘mparaviso, tu starraie cu mmico!-

Doppo, ‘n cielo guardaie, e dicenno:

-Tutt’ è chiumputo!- ‘o spirito a Dio

turnaie.

Pilato, che, pe farl’ avè ‘o perdono,

o presentaie ò popolo dicenno:

-“Ecco ll’uomo”!-

‘A tanno m’poi, maie, maie chiù avette

ragione.

Pasquale Pasquariello

Data: 20/03/2008 Visite: 3744